ஆனந்த சுதாகரனை மைத்திரி விடுதலை செய்வாரா ?

அர­சி­யல்­கைதி ஆனந்­த­சு­தாகர­னின் விடு­த­லையை வலி­யு­றுத்தி வடக்கு மாகாண சபை உறுப்­பி­னர்­கள் அனை­வ­ரும் கையெ­ழுத்­திட்டு அரச தலை­
வ­ருக்­கும், தலைமை அமைச்­ச­ருக்­கும், நீதி அமைச்­ச­ருக்­கும் கருணை மனு அனுப்­பி­யுள்­ள­னர்.வடக்கு மாகாண சபை­யின் 119ஆவது அமர்வு நேற்று அவைத் தலை­வர் சி.வி.கே.சிவ­ஞா­னம் தலை­மை­யில் நடை­பெற்­றது.
அர­சி­யல் கைதி­யான சுதா­க­ர­னின் விடு­த­லையை வலி­யு­றுத்தி வடக்கு மாகான சபை­யின் ஊடாக எழுத்­து­மூ­ல­மான கடி­தம் ஒன்றை அரச தலை­வர் மைத்­தி­ரி­பால சிறி­சே­ன­வுக்­கும் தலைமை அமைச்­சர் ரணில் விக்­கி­ர­ம­சிங்­க­வுக்­கும் அனுப்பி வைக்­க­வுள்­ளோம்.

அர­சி­யல் கைதி­யின் குடும்ப சூழ்­நி­லையை கருத்­தில் கொண்டு அவ­ருக்கு பொது­மன்­னிப்பு வழங்­கு­மாறு கோரிக்கை விட­வுள்­ளோம் என்று அவைத்­த­லை­வர் சபை­யில் தெரி­வித்­தார்.

தேநீர் இடை­வெ­ளி­யின் போது உறுப்­பி­னர்­க­ளி­டம் கையொப்­பங்­கள் பெறப்­பட்­டன. உட­ன­டி­யாக கடி­தம் உரி­ய­வர்­க­ளுக்கு அனுப்­பப்­பட்­டது.

2008 ஆம் ஆண்டு கைது செய்­யப்­பட்டு, மக­சின் சிறைச்­சா­லை­யில் தடுத்து வைக்­கப்­பட்டு கடந்த வரு­டம் ஆயுள் தண்­டனை விதிக்­கப்­பட்ட அர­சி­யல் கைதி­யான சச்­சி­தா­னந்­தம் ஆனந்­த­சு­தா­க­ர­னின் மனைவி ஆனந்­த­சு­தா­கர் யோக­ராணி கடந்த 15 ஆம் திகதி உயி­ரி­ழந்­தார்.

தனது கண­வர் வரு­வார் என்று எதிர்­பார்த்­துக் காத்­தி­ருந்து கடைசி வரை அவ­ரைக் காண­மு­டி­யாது நோய்­வாய்ப்­பட்டு அவர் உயி­ரி­ழந்­தார். ஆயுள் தண்­டனை விதிக்­கப்­பட்ட அர­சி­யல் கைதி­யாக ஆனந்­த­சு­தா­க­ருக்கு மக­னும் மக­ளும் என இரு பிள்­ளை­கள் உள்­ள­னர்.

கிளி­நொச்சி மரு­த­ந­கர் கிரா­மத்­தில் இடம்­பெற்ற மனை­வி­யின் இறுதி நிகழ்­வுக்­குப் பொலி­ஸா­ரின் பலத்த பாது­காப்­பு­டன் ஆனந்­த­சு­தா­கர் அழைத்­துச் செல்­லப்­பட்­டார். மனை­வி­யின் இறுதி நிகழ்­வில் கலந்­து­கொள்ள மூன்று மணித்­தி­யா­லங்­கள் அனு­ம­திக்­கப்­பட்­டார்.

தந்தை 2008 ஆம் ஆண்டு பயங்­க­ர­வா­தத் தடைச்­சட்­டத்­தில் கைது செய்­யப்­பட்ட பின்­னர் இரு குழந்­தை­க­ளும் தாயின் அர­வ­ணைப்­பில் வாழ்ந்­த­னர். இப்­போது தாயை­யும் இழந்­துள்­ள­னர்.

Thanks - http://www.jvpnews.com/srilanka/04/166717