மைத்திரிக்கு ஒரு தேனிசை செல்லப்பாவின் பாடல்

ஆயுள் தண்டனை விதிக்கப்பட்ட அரசியல் கைதியான சச்சிதானந்தம் ஆனந்தசுதாகரின் விடுதலையை வலியுறுத்தி புலம்பெயர் தமிழர்களால் மீண்டும் ஒரு பாடல் ஒலிப்பதிவு செய்யப்பட்டுள்ளது.

தேனிசை செல்லப்பாவால் அரசியல் கைதி சுதாகரனின் விடுதலைக்காக பாடப்பட்ட இந்தப் பாடல் அனைவரின் மனங்களை நெகிழ வைத்துள்ளது.

இந்தப் பாடலின் வரிகள் இதோ,

மைத்திரிக்கு ஒரு கடிதம்

ஐயா மனம் திறந்து இதைப் படியும்..

மைத்திரிக்கு ஒரு கடிதம்

ஐயா மனம் திறந்து இதைப் படியும்..

உங்கள் பிள்ளைகளின் திருவுருவம்

இல்லையா இவர் வடிவம்..

உங்கள் பிள்ளைகளின் திருவுருவம்

இல்லையா இவர் வடிவம்..

பெத்தவளை இழந்துவிட்டோம்

பேதைகள் நாம் தனித்து விட்டோம்..

நீங்கள் மனம் திறந்துவிட்டால்

நாங்கள் நலம் அடைந்திருப்போம்

எம் தந்தையை அணைத்திருப்போம்..

நாட்டு மக்கள் மனங்களெல்லாம்

எங்கள் நல்வாழ்வை நினைக்கிறது..

வீட்டில் ரெண்டு சிறு குருவி

கொடும் தனிமையில் தவிக்கிறது..

சிறை அறை திரையினுள்ளே

ஒரு மனம் துடிக்கிறது..

சிந்தும் விழி நீர் சொறிந்து

குஞ்சுகளை நினைக்கிறது..

மன்னிப்பும் ஒரு கொடை தான்

மறுவாழ்வும் நடைமுறை தான்..

சட்டத்தின் நெகிழ்வுகளும்

நாட்டு மக்கள் நலம் பெறத்தான்…

மழலைகள் நிலையுணர்ந்து

விடுதலை கொடுத்துவிடும்..

மக்கள் மனம் மகிழ்ந்து விடும்

மானுடம் சிறந்து விடும்…

என்று இந்த பாடல் முடிகிறது .

Thanks - http://www.jvpnews.com/srilanka/04/167113